უფრო მეტი თვალსაჩინოებისათვის შეიძლება მოძრაობის აღწერა გრაფიკების საშუალებით. გრაფიკი გვიჩვენებს, თუ როგორ იცვლება ერთი სიდიდე იმ მეორე სიდიდის ცვლილების შემდეგად, რომელზეც დამოკიდებული იყო პირველი. გრაფიკის ასაგებად ორივე სიდიდე არჩეული მაშტაბით კოორდინატთა ღერძებზე უნდა გადავზომოთ. თუ ჰორიზონტალურ ღერძზე(აბცისთა ღერძზე) გადავზომავთ დროს, რომელიც გავიდა დროის ათვლის დასაწყისიდან, ხოლო ვერტიკალურ ღერძზე(ორდინატთა ღერძზე) – სხეულის კოორდინატის მნიშვნელობას, მივიღებთ გრაფიკს, რომელიც გამოსახავს სხეულის კოორდინატის დამოკიდებულებას დროზე ანუ რაც იგივეა–მოძრაობის გრაფიკს. დავუშვათ, სხეული მოძრაობს X ღერძის გასწვრივ(ნახ.01). დროის მომენტში: t=0, t1=1 წმ, t2=2 წმ, t3=3 წმ და ა.შ. სხეული შესაბამისად იმყოფება მდებარეობაში, რომელიც განისაზღვრება კოორდინატებით x0=3 მ (A წერტილი), x1=4 მ, x2=5 მ და ა.შ. ეს ნიშნავს, რომ იცვლება სხეულის მხოლოდ x კოორდინატი. იმისათვის, რომ მივიღოთ სხეულის მოძრაობის გრაფიკი, x მნიშვნელობები გადავზომოთ ვერტიკალურ ღერძზე, ხოლო ჰორიზონტალურ ღერძზე გადავზომოთ t დროის მნიშვნელობები. მოძრაობის გრაფიკი წარმოადგენს წრფეს, რომელიც გამოსახულია 02–ე ნახაზზე. ეს იმას ნიშნავს, რომ კოორდინატი წრფივად არის დამოკიდებული დროზე. სხეულის კოორდინატის დროზე დამოკიდებულების გრაფიკი(ნახ.02) არ უნდა ავურიოთ სხეულის მოძრაობისტრაექტორიაში, ე.ი. წრფეში რომლის ყველა წერტილში იმყოფებოდა სხეული მოძრაობის დროს.(იხ.ნახ.01). მოძრაობის გრაფიკი მექანიკის ამოცანის სრულ ამოხსნას იძლევა სხეულის წრფივი მოძრაობის შემთხვევისათვის, რადგანაც საშუალებას გვაძლევს ვიპოვოთ სხეულის მდებარეობა დროის ნებისმიერ მომენტში, მათ შორის იმ მომენტშიც, რომელიც საწყის მომენტს წინ უსწრებდა (თუ ჩავთვლით, რომ სხეული დროის ათვლის დაწყებამდეც მოძრაობდა). 02–ე ნახაზზე გამოსახულ გრაფიკს დროთა ღერძის დადებითი მიმართულების საწინააღმდეგოთ თუ გავაგრძელებთ, დავინახავთ, რომ სხეულისა A წერტილში მისვლამდე 3 წმ–ით ადრე იმყოფებოდა კოორდინატის ათვლის დასაწყისში(x=0). კოორდინატის დროზე დამოკიდებულების გრაფიკის სახის მიხედვით შეიძლება ვიმსჯელოთ მოძრაობის სიჩქარის შესახებაც. ცხადია, რომ სიჩქარე მით მეტია რაც უფრო ციცაბოა გრაფიკი, ე.ი. რაც უფრო მეტია კუთხე ამ გრაფიკსა და დროთა ღერძს შორის. 03–ე ნახაზზე ნაჩვენებია სხვადასხვა სიჩქარის მქონე მოძრაობის რამდენიმე გრაფიკი. 1, 2 და 3 გრაფიკები გვიჩვენებს, რომ სხეული მოძრაობს X ღერძის გასწვრივ–დადებითი მიმართულებით. სხეული, რომლის მოძრაობის გრაფიკია წრფე 4, მოძრაობს X ღერძის მიმართულების საწინააღმდეგოთ. მოძრაობის გრაფიკით შეგვიძლია ვიპოვოთ მოძრავ სხეულთა გადაადგილებაც დროის ნებისმიერ შუალედში. 03–ე ნახაზიდან ჩანს, მაგალითად, რომ მე–3 სხეულის 1–სა და 5 წმ შორის დროში დადებითი მიმართულებით გადაადგილება აბსოლუტური სიდიდით 2 მ–ის ტოლია, ხოლო მე–4 სხეული იმავე დროში უარყოითი მიმართულებით 4 მეტრზე გადაადგილდება.
მოძრაობის გრაფიკებთან ერთად ხშირად სარგებლობენ სიჩქარის გრაფიკებით. ამ გრაფიკებს მივიღებთ, თუ ორდინატთა ღერძზე გადავზომავთ სხეულის სიჩქარის პროექციას, ხოლო აბცისთა ღერძზე, დროს. ასეთი გრაფიკი გვიჩვენებს, თუ როგორ იცვლება სიჩქარე დროის მიხედვით, ე.ი. როგორ არის დამოკიდებული სიჩქარე დროზე. წრფივი თანაბარი მოძრაობის შემთხვევაში ეს დამოკიდებულება იმაში მდგომარეობს, სიჩქარე დროის განმავლობაში უცვლელია. ამიტომ სიჩქარის გრაფიკი წარმოადგენს დროთა ღერძის პარალელურ წრფეს(ნახ.04). ამ ნახაზზე I გრაფიკი აღწერს იმ შემთხვევას, როცა სხეული მოძრაობს X ღერძის დადებითი მიმართულების მხარეს. IIგრაფიკი გრაფიკი აღწერს იმ შემთხვევას, როცა სხეული მოძრაობს X ღერძის საწინააღმდეგო მხარეს(ამ დროს სიჩქარის პროექცია უარყოფითია). სიჩქარის გრაფიკითაც შეძლება მოცემულ დროის შუალედში სხეულის გადაადგილების აბსოლუტური სიდიდის მონახვა. იგი რიცხობრივად ტოლია დაშტრიხული მართკუთხედის ფართობისა, (ნახ.05). ზედა მართკუთხედის ფართობისა თუ V1>0, და ქვედა ართკუთხედის ფართობისა თუ VII<0. მართლაც მართკუთხედის ფართობი მისი გვერდების ნარავლის ტოლია. მაგრამ მისი ერთი გვერდი რიცხობრივად t დროის ტოლია, ხოლო მეორე–v სიჩქარისა. ამათი ნამრავლი s=vt – კი სწორედ სხეულის გადაადგილების აბსოლუტური მნიშვნელობის ტოლია. | 
